Монгол Улсын Засгийн газрын шийдвэрээр жил бүрийн тавдугаар сарын хоёр дахь долоо хоногийг “Татвар төлөгчдийн өдрүүд” болгон шийдвэрлэсэн байдаг. Энэ жил татвар төлөгчдийн өдрүүдийг тохиолдуулан Монголтакс ТМЗ ХХК нь Монголын Худалдаа Аж Үйлдвэрийн Танхим, Татварын Ерөнхий газартай хамтран “Таны ирээдүй - Татварын боловсрол” уриан дор татвар төлөгчдөдөө зориулсан нээлттэй хаалганы өдөрлөгийг уламжлан болгон 5 дахь удаагаа зохион байгуулах гэж байна.
Уг өдөрлөгийн зорилго нь Хариуцлагатай татвар төлөгчдийг төлөвшүүлэх чиглэлд төрийн болон хувийн секторуудын баримталж буй бодлого төлөвлөлт, судалгаа шинжилгээний ажлуудыг танилцуулах юм.
Энэхүү өдөрлөг нь
- Хариуцлагатай татвар төлөгчийг төлөвшүүлэх чиглэлээр төрийн байгууллагуудын баримталж буй бодлого, татварын орчин, иргэдийн санхүүгийн суурь мэдлэгийг дээшлүүлэх чиглэлээр хэрэгжүүлж буй үйл ажиллагаануудыг таниулах, хэлэлцүүлэг хийх
- Судлаачдын татвар төлөх үүргийн биелэлтийн түвшин, татварын боловсролыг дээшлүүлэх арга зам, түүнд мэргэжлийн мэргэшсэн боловсон хүчний оролцоо сэдэвт судалгаанууд
- Өдөрлөгт хүрэлцэн ирсэн бизнес эрхлэгч хувь хүн болон аж ахуй нэгжүүдэд татварын хууль, татварын төлөвлөлт, татварын эрсдэлийг хэрхэн удирдах талаар болон татвар төлөгчдийн сонирхсон асуудлуудад үнэ төлбөргүй Pro bono зөвлөгөө үйлчилгээг нэг цэгээс үзүүлэх
- Монголын татварын алба, Насан туршийн татварын боловсролын академи НҮТББ-аас хамтран татвар төлөгчдийн өдрүүдийг угтан ирээдүйн татвар төлөгч хүүхэд багачуудын татварын тухай мэдлэг, боловсролыг дээшлүүлэх зорилгоор “Татварын хөгжлийн үндэс” сэдвийн хүрээнд зохион байгуулсан гар зураг болон видео контент уралдааны шагналыг гардуулах үйл ажиллагаа явагдана.
Нээлттэй хаалганы өдөрлөг: 2024.05.08-ны өдөр буюу Лхагва гаригт, 09:30-15:00 цагийн хооронд МҮХАҮТ-ийн Их танхимд
