Булган аймаг, Хангал сум, Хялганат тосгоны "Сэлэнгэ гүүр" гэдэг газар Иргэн Ч нь "Сэлэнгэ" голын усанд осолдсон тухай дуудлагыг 5 сарын 2-ны өдрийн 15:25 минутад хүлээн авсан. Тус аймгийн Онцгой байдлын газрын Хангал сумын Хялганат тосгон дахь Гал түймэр унтраах, аврах 50 дугаар ангийн албан хаагчид, Зэвсэгт хүчний 234 дүгээр ангийн албан хаагчид, ар гэрийнхэнтэй хамтран 6 бүлэгт хуваагдан иргэн Ч /36 настай, эрэгтэй/-г эрэн хайх ажиллагааг 5 сарын 5-ны өдрийн 07:00 цагаас эхлүүлсэн.
Ингэхдээ Хялганат багийн "Сэлэнгийн гүүр" гэдэг газраас хойд зүгт Сэлэнгэ сумын Сэлэнгэбүрэн багийн "Баян хошуу" гэдэг газар хүртэл 116 км завиар урсаж, Хялганат багийн "Сэлэнгийн гүүр" гэдэг газраас хойд зүгт Сэлэнгэ сумын "Сэлэнгэ бүрэн" багийн "Хустайн гурван даваа" гэдэг газар хүртэл 75 км мотоцикл, морьтой, Хялганат багийн "Хэжлүүр" газраас урсгал дагуу болон урсгал сөрж 6 км зайд агаараас тандалт хийж эрэн хайх ажиллагааг зохион байгуулсан боловч үр дүнд хүрээгүй байна. Иргэн Ч нь осолдосноос хойш 5 хоног өнгөрсөн ч одоог хүртэл эрлийн ажиллагааг хийсээр байна.
