Tac.mn сайтын сэтгүүлч А.Баярмааг өнгөрсөн амралтын өдөр /2024.05.05/ саатууллаа. Тэрбээр 2024.01.30-ны өдөр хилээр гарч, 2024.04.29-ний өдөр эх орондоо ирээд байсан юм.
Сэтгүүлч А.Баярмаа өмгөөлөгч агсан Д.Батбаярын хэрэгт холбогдон шалгагдаж байсан.
Саатуулагдахаасаа өмнө иргэн Н.Цэрэнд өгсөн шууд ярилцлагадаа "Шадар сайд С.Амарсайхан, сэтгүүлч Б.Ариунтуул нарын тусдаа гаргасан гомдлууд нэгтгэгдэж, өмгөөлөгч агсан Д.Батбаяртай хамт намайг шалгаж эхэлсэн байдаг" гэж тодотгосон.
Одоогоор хуулийн байгууллагаас сэтгүүлч А.Баярмааг ямар үндэслэлээр саатуулсан талаарх албан ёсны мэдээлэл гаргаагүй байна.
Сэтгүүлч А.Баярмааг Дэлхийн хэвлэлийн эрх чөлөөний өдрийн дараа саатуулсан бөгөөд Монгол Улс сүүлийн жилүүдэд хэвлэлийн эрх чөлөөний индексээр уруудсаар, аюултай түвшний орноор нэрлэгдээд байна.
