НҮБ-ын Ерөнхий Ассамблейн шийдвэрээр 1993 онд жил бүрийн тавдугаар сарын 3-ны өдрийг Дэлхийн хэвлэлийн эрх чөлөөний өдөр болгон тэмдэглэх шийдвэр гаргасан билээ.
Энэ өдрийг тохиолдуулан, НҮБ-ын Ерөнхий нарийн бичгийн дарга илгээлт гаргадаг бөгөөд 2024 онд энэ өдрийг ЮНЕСКО "Эх дэлхийн хэвлэл: Сэтгүүл зүй байгаль орчны хямралын эсрэг нүүр царай” гэсэн уриатайгаар тэмдэглэж байна.
Харин Монголын сэтгүүл зүйн салбарынхан "Хэвлэлийн эрх чөлөө боогдлоо" жагсаалыг Сүхбаатарын талбайд зохион байгуулах гэж байна. Энэ үеэр өдөр тутмын сонинууд нэгдэж, цаасан хэвлэлийг боомилсон төрийн бодлогыг эсэргүүцэн "Сонинтой жагсаал" хийж, хуулийн төсөл өргөн барих аж.
МСНЭ Хэвлэлийн эрх чөлөөг хязгаарласан 14 хуулийн заалтыг эсэргүүцэн, жагсаал хийж, Олон улсын сэтгүүлчдийн холбооноос Монголын эрх баригчдад ирүүлсэн ил захидлыг танилцуулах юм.
