УИХ-ын чуулганы хуралдаан эхэллээ. Хуралдаанаар Шинжлэх ухаан, технологийн тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүд /Засгийн газар 2024.04.18-ны өдөр өргөн мэдүүлсэн, анхны хэлэлцүүлэг/ хэлэлцлээ.
Чуулганы хуралдааны үеэр УИХ-ын гишүүн Б.Бат-Эрдэнэ:
-Соёлын яам, Боловсролын яам хүний нөөц, боловсон хүчний асуудалд анхаармаар байна. Үе тэнгийнхний дээрэлхэлт гадуурхалт их байна. Эерэг хандлагын нөлөөллийн ажлуудад анхаарах хэрэгтэй байгаа юм. Хүн хүнтэйгээ мэндлэх, хайр хүндлэл хамгийн чухал байна.
Бид аялал жуулчлалын том хөтөлбөр яриад байдаг. Гэтэл харилцаа хандлага, уламжлалаа орхисон байдалтай явах хэцүү. Төрийн ордны өргөн коридороор хүртэл хүн хүнтэйгээ мэндэлдэг улс их цөөхөн байна. Боловсролын яамны Л.Энх-Амгалан сайдтай олон удаа ярьж байна. Соёлын яам ч бас анхаармаар байна.
