“Монгол гэр” үзэсгэлэнгийн арга хэмжээ энэ сарын 05-12-ны өдрүүдэд Д.Сүхбаатарын талбайд болно. Уг арга хэмжээний үеэр бүс нутгийн онцлог, өвөрмөц байдлыг харуулсан 25 гэрийг барьж, үзэгч олонд сонирхуулахаас гадна гэр тус бүрт соёлын боловсролын сонирхолтой хөтөлбөрүүд явагдах аж.
Тухайлбал;
- Монгол гэрийн үүсэл, ангилал, онцлог ялгааг таниулах, монгол гэр барих, буулгах арга ухаан, нүүдэлтэй холбогдох зан үйлийг харуулсан “Монгол гэр-бидний бахархал” цогц хөтөлбөр,
- Монгол орны нэн ховор, зэрлэг амьтдыг танин мэдэх, тэдгээрийг хайрлан хамгаалахад чиглэсэн “Амьтан урлая” оролцоот хөтөлбөр,
- Монголын уламжлалт шагайн наадгай болон оньсон тоглоомын төрлийг багтаасан “Уламжлалт тоглоом наадгай” хөтөлбөр,
- “Дээс томох, Утас ээрэх” хөтөлбөр,
- “Монголчуудын уламжлалт хувцас, гоёл чимэглэл”
- “Монголын Эзэнт Гүрэн” хөлөгт тоглоом хөтөлбөр
- “ Үлгэрийн цаг” болон “Үлгэрч эмээ” хөтөлбөр,
- Тойрон бүжиг хөтөлбөр гэх мэт олон сонирхолтой соёлын боловсролын хөтөлбөрийг сонирхуулна.
Үндэсний өв соёлоо дээдлэн уламжилж, үр хойчдоо өвлүүлэх эрхэм үүргийг хүлээсэн та бүхэн эдгээр өдрүүдэд их хотын төв талбайд байрлах өргөө цагаан гэрүүдээр зочлохыг уриалав.
