Монгол Улсын Засгийн газраас яаралтай горимоор өргөн мэдүүлсэн "Гурилыг импортын татвараас чөлөөлөх тухай хууль"-ийн төслийг 2024 оны 4 дүгээр сарын 19-ний өдрийн УИХ-ын чуулганаар хэлэлцэж баталсан билээ. Уг хууль нь өнөөдрөөс буюу тавдугаар сарын 1-нээс хэрэгжиж эхэлж байна.
Монгол Улсын хилээр орж ирэх хүнсний хэрэглээний буудай, малын тэжээлийн импортын татварыг тэглэж байгаатай холбогдуулан ямар нэгэн хэмжээ, хязгаар, квот тогтоохгүй.
Хууль санаачлагч Д.Амарбаясгалангийн зүгээс "Энэ хуулиар гурилын салбарт өрсөлдөөн бий болж, зах зээлд давуу байдалтай компаниудын нөлөөг бууруулна. Эцэст нь иргэд хямд гурил хэрэглэх боломж үүсэж байна. Энэ хууль хэрэгжиж эхэлснээр 1 кг гурилын үнэ 1600 төгрөг хүртэл буурах боломжтой" гэдгийг хэлж байв.
