Зургаа хоногийн өмнө буюу 4 сарын 17-ны орой 19 цагийн орчимд Хайлаастад зам тээврийн ноцтой осол гарсан. Тодруулбал, Чингэлтэй дүүргийн 15 дугаар хорооны нутаг дэвсгэрт Toyota Prius маркийн автомашин Hyundai Verna маркийн автомашинтай мөргөлдсөний улмаас явганаар зорчиж байсан 9-14 насны 6 хүүхэд, насанд хүрсэн 1 хүнийг мөргөж, 16 настай охин нас барсан.
Нас барсан тухайн охинтой хамт түүний төрсөн эгч нь болон эгч ахынх нь хочр хүүхэд хамт явж байсан бөгөөд тэд бүгдээрээ осолд өртөөд буй.
Талийгаач охины эгч "О"-ийн биеийн байдал хүнд, уушги, элэг, бөөр мөн арын хавирганууд нь бяцарч, нурууны сэртэн нь хугарсан, гурван ч удаа хагалгаанд ороод буй тухай ар гэр нь мэдээлэл өгсөн.
Тэгвэл өнөөдөр 14 цагийн байдлаар "тухайн эмэгтэй ухаан орж, хүү болон дүү охиноо асуусан" гэж түүний найз мэдээллээ. Тэрбээр одоо сайн ярьж чадахгүй байгаа бөгөөд биеийн байдлаас нь шалтгаалж дараагийн хагалгаа хийх өдрийг товлох юм байна.
