Өнгөрсөн мягмар гарагт нийслэлийн ерөнхий боловсролын 147-р сургуулийн есдүгээр ангийн сурагч нулимс асгаруулагч хийг ангидаа цацсаны улмаас тус сургуулийн 100 гаруй сурагч, багш нар хордлогод орж эмнэлэгт хүргэгдэн яаралтай тусламж авч буй талаар бид өмнө нь мэдээлсэн.
Уг үйл явдалтай холбоотойгоор тус сургуулийн сургалтын үйл ажиллагаа өчигдөр бүрэн зогсож, сурагчид цахимаар хичээллэсэн бөгөөд хорт хий тархсан обьектод бүхэлд нь ариутгал хийжээ. Ийнхүү өнөөдрөөс сургалтын үйл ажиллагаа хэвийн горимд шилжиж, сурагчид танхимаар хичээллэж эхлээд байна.
