Баянзүрх дүүргийн 147 дугаар сургуулийн есдүгээр ангийн сурагч ангидаа "НУЛМИС АСГАРУУЛАГЧ" хий цацсаны улмаас тус сургуулийн сурагчдын нулимс гоожих, дотор муухайрах шинж тэмдэгтэйгээр эмнэлэгт хүргэгджээ.
Тодруулбал, Өнөөдөр буюу дөрөвдүгээр сарын 16-ны өдөр 11:01 минутанд Баянзүрх дүүргийн 12-р хороо, ЕБ-ын 147-р сургуулийн сурагч “Нулимс асгаруулагч цацуулсан” гэх утгатай дуудлагыг өгсөн байна. Улмаар түргэн тусламжийн баг 147 дугаар сургууль дээр очиход гурван насанд хүрсэн хүн, 64 хүүхдийн нулимс гоожиж, хоолой хорсох, дотор муухайрах шинж тэмдэгтэй байсан аж. Одоогоор 20 хүүхэд хордлогын төвд хүргэгдэж, нэг хүүхэд ухаан алдсан байна. Иймд насанд хүрсэн гурван хүнийг Цэргийн төв эмнэлэгт, 37 хүүхдийг ЭХЭМҮТ-д, найман хүүхдийг БЗДНЭ, 19 хүүхдийг МЯСЭ-т хүргэсэн байна. Тухайн газ цацсан сурагч 9-р анги бөгөөд Ах нь биеэ хамгаал хэмээн нулимс асгаруулагчыг өгсөн гэх тайлбар өгчээ.
