Өмнөговь аймгийн Цогтцэций сумын Сийрст багийн "Огодой" гэдэг газар дөрөвдүгээр сарын 13-нд 10:00 цагийн орчим бага оврын ачааны автомашинтай усанд явахаар гараад сураггүй болжээ. Ар гэрийнхэн нь тухайн өдрийн 19:40 цагт аймгийн Онцгой байдлын газарт хандсан байна. Тус аймгийн Онцгой байдлын газрын Цогтцэций сум дахь Онцгой байдлын хэлтсийн Гал түймэр унтраах, аврах 44 дүгээр анги, Цагдаагийн тасгийн алба хаагчид 39 настай эрэгтэй Б, 39 настай эрэгтэй Г, 30 настай эрэгтэй М нарыг дөрөвдүгээр сарын 14-ний өдрийн 08:50 цагаас эрэн хайх ажиллагааг зохион байгуулж, 09:45 цагт Билгэх багийн “Өлзий хайрхан” гэдэг газар малчин Х-д тухайн 3 хүн эсэн мэнд очсон байхад нь олж, хүлээлгэн өгчээ.
