УИХ-ын чуулганы хуралдаан үргэлжилж байна. Уур амьсгалын өөрчлөлтөөс уламжлалт мал аж ахуйгаа хамгаалах асуудлыг хэлэлцэж байна.
УИХ-ЫН ГИШҮҮН Н.НАРАНБААТАР:
-Залуу малчид улам цөөрч байна. Тэднийг яаж дэмжих вэ. Түүхий эд үнэгүй байна. Цаашид түүхий эдийг үнэд хүргэх тал дээр ямар ажил хийх вэ. Ченжүүдийн гарт махаа алдсаар байна, үүнийг яаж зохицуулах вэ. Малын эмч, зоо техникчдийг цаашдаа сайн бэлтгэх шаардлагатай байна. Үүн дээр төр засгаас юу хийж байгаа вэ.
УИХ-ЫН ГИШҮҮН Ш.АДЬШАА:
-Гурилын үйлдвэрлэл эрхэлдэг хүмүүс чинь маф болчихсон байна. Оросоос гадаадаас гурил оруулж ирэхэд юу нь болохгүй байгаа юм. Гурил, тэжээлийн импортын асуудлыг шийдвэрлэж байж малчдын асуудлыг ярина шүү. Гурилын тэжээлийн импортын татварыг чөлөөлөх тухай олонх болсон 62 хүн яагаад шийдэлд хүрэхгүй байгаа юм. Ашиг сонирхлын зөрчил байна уу.
ЗГХЭГ-ЫН ДАРГА Д.АМАРБАЯСГАЛАН:
-Засгийн газар гурилын импортын татварыг хугацаагүйгээр тэглэх тогтоолын төслийн өргөн барьсан. УИХ дээр ирээд 45 хонож байна. Үйлдвэрүүдийг ашигтай байлгахын тулд ард иргэдийг хохироож болохгүй гэж үзэж байгаа.
