Хотын дарга Х.Нямбаатар өчигдөр өөрийн цахим хуудсандаа "Зоригийн хөшөөний газрыг заржээ! Зараад зогсохгүй хөшөөг нүүлгэн шилжүүлж газар дээр нь цамхаг барихаар санаархаж байна. Бид "Зоригтой"-гоо үлдэнэ" гэсэн агуулга бүхий мэдээллийг нийтэлсэн нь өнөөдрийн гол сэдэв болоод байгаа.
Тиймээс эл асуудлаар АН-ын гишүүд өөрсдийн байр суурийг илэрхийлсээр байна.
АН-ЫН ХЭРЭГ ЭРХЛЭХ ГАЗРЫН ДАРГА Н.ЛХАГВАДОРЖ:
-С.Зориг агсны нэрээр худал мэдээлэл тарааж, иргэдийн сэтгэлзүйгээр тоглож байгаа Нийслэлийн засаг дарга бөгөөд Улаанбаатар хотын захирагч Х.Нямбаатар таныг явуургүй улс төр хийхээ болихыг шаардаж байна.
Уг хөшөө нь "Зориг сан"-гийн өмч. Хэрэв хөшөөг хөдөлгөхөөр бол тус сангаас очиж асуухыг зөвлөе.
С.Зоригийн хөшөө байрлаж буй газар нь нийслэлийн нийтийн өмч. Нийслэлийн нийтийн өмчийн газрыг АН мэдэхгүй. Хоёр давхар цэнхэр байшинд АН-ын Хэрэг эрхлэх газар үйл ажиллагаа явуулдаг бөгөөд сар бүр түрээс төлдөг.
АН шинэ байр барих, С.Зориг агсны хөшөөг хөдөлгөх санаачлагч биш.
