БНСУ-ын Кёнги мужийн Пажу хотын нэгэн зочид буудлаас эрэгтэй, эмэгтэй дөрвөн хүний цогцос олдсон бөгөөд цагдаа нар мөрдөн байцаалтын ажиллагааг эхлүүлсэн байна.
Тодруулбал, Кёнги мужийн Пажу цагдаагийн газарт өнөөдөр өглөөний 10:35 цагийн орчимд Пажу мужийн Яданг-донг дахь зочид буудлын барилгын гадна хоёр хүн унасан тухай мэдээлэл иржээ. Хэргийн газар очсон цагдаа нар эрчүүдийн байрлаж байсан өрөөнд ороход хоёр эмэгтэй мөн нас барсан байхыг олжээ.
Амиа алдсан эрэгтэй, эмэгтэй хүмүүс бүгд 20 гаруй насныхан байсан бөгөөд цагдаа нар тэдний нас барсан шалтгааныг судалж байна.
Орчуулагч Э.Тунгалаг
