Тайланд улсын Бангкок хотноо 2024 оны 05-р сарын 21-нээс 06 сарын 03-ны өдрүүдэд зохион байгуулагдах "ПАРИС-2024" Олимпын наадмын эрх олгох тэмцээнд Монгол Улсыг төлөөлөх тамирчдыг сонгон шалгаруулах тэмцээн 2024.04.06-07-ны 16:00 цагаас Их тамир Олимп цогцолборт болно.
Монгол Улсын гавьяат тамирчин Э.Цэндбаатар Монголын боксын холбооны ерөнхийлөгч В.Ганзоригт хандан олимпын сорилд оролцуулж өгөхийг хүссэн. Тэрээр, өнгөрсөн хугацаанд удаа дараа сахилгын шийтгэл хүлээж боксын холбооны итгэлийг алдсан бүх үйлдэлдээ харамсч уучлалт гуйж, энэ удаа дахин уужуу сэтгэлээр хандахыг хүссэн байдаг. Боксын холбоо ч хүсэлтийг хүлээн авч шийдвэрлэснээр тэрээр олимпын эрхийн тэмцээний сорилд оролоцохоор өчигдөр эх орондоо ирсэн билээ.
