Дашваанжил ХХК-д ХНХЯ, УУХҮЯ, ЗТХЯ-аас хамтран хийсэн шалгалтын дүгнэлтийг танилцуулахдаа тухайн компани даатгал хийлгээгүй байсныг ажлын хэсгээс онцоллоо.
Хуульд заасны дагуу эрсдэлтэй ажлын байранд ажилладаг ажилтны амь нас, эрүүл мэндийг 36 сар ба түүнээс дээш сарын дундаж цалинтай тэнцэх хэмжээний төгрөгөөр даатгуулах ёстой. Энэхүү даатгалыг хийлгээгүй байна.
Мөн компанид дотоод хяналт шалгалтыг зохион байгуулдаггүй нь шалгалтаар тогтоогджээ. Ажлын байрны хөдөлмөрийн нөхцөлийн үнэлгээг хийлгээгүй, ажилтнуудыг эрүүл мэндийн үзлэгт хамруулаагүй, ажлын хувцас, хамгаалах хэрэгслээр хангаагүй зэрэг зөрчил ч илэрсэн. Иймд тус компанид торгууль, нөхөн төлбөр тавьжээ.
