Өчигдөр буюу 4 дүгээр сарын гуравны өдөр улсын хэмжээнд хоёр байршилд ой хээрийн түймэр гарч 15 га хулсан ой, 30 гэ хээр талбай шатжээ.
Тодруулбал, Ховд аймаг, Мянгад сум. Цагаан бургас багийн "Багалзуур" гэдэг газар Ховд голын эрэг дагуух хулс шатсан байна. Дуудлагын дагуу тус аймгийн Онцгой байдлын газрын алба хаагчид Мянгад сумын Засаг даргын Тамгын газрын ажилтанууд, тус сум дахь Цагдаагийн тасгийн алба хаагчидтай хамтран түймрийг 19:55 цагт унтрааж тус сумын Засаг даргын Тамгын газрын Байгаль орчны улсын хяналтын байцаагчид хүлээлгэн өгсөн. Түймэрт урьдчилсан байдлаар 15 га хулсны талбай шатсан.
Мөн Сэлэнгэ аймаг, Баянгол сум. Баян багийн "Бага баян" гэдэг газар хээрийн гал түймэр гарсан тухай дуудлагыг хүлээн авч тус аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчид орон нутгийн иргэдтэй хамтран хээрийн гал түймрийг унтраан 16:17 цагт у Засаг даргын Тамгын газрын Байгаль орчны улсын хяналтын байцаагчид хүлээлгэн өгсөн байна. Урьдчилсан байдлаар 30 га хээрийн талбай шатсан.
