Замын-Үүд-Эрээний авто замын ачаа тээврийн хэсэг өнөөдрөөс 24 цагаар ажиллаж эхэлсэн. Зорчигчийн хэсэг 24 цагаар ажиллаагүй бөгөөд олон нийтэд буруу ойлголт өгч байгаа ташаа мэдээлэл тараахгүй байхыг Гаалийн ерөнхий газраас мэдээллээ.
ЗАМЫН-ҮҮД ДЭХ ГААЛИЙН ГАЗРЫН ДАРГА О.ЦЭЕНРЭГЗЭН:
Автозамын цогцолбор 24 цагаар ажиллаж байгаа ч зорчигч тээврийн цогцолбор 24 цагаар ажиллахгүй. Өнөөдрийн байдлаар 300-350 тээврийн хэрэгсэл зөвхөн нэг талдаа орж, гарч байгаа. Замын-Үүд авто замын цогцолбор зорчигч болон ачаа тээврийн гэсэн хоёр хэсгээс бүрдэж байгаа. Зорчигчийн хэсэг бүрэн ашиглалтад ороод жил гаруйн хугацаа өнгөрч байна. Харин ачаа тээврийн цогцолборыг хоёр сарын өмнөөс ашиглаж эхэлж, өнөөдрөөс бүрэн хүчин чадлаар ажиллаж байна.
