Монголын томоохон компаниудын нэг болох “Оюутолгой” ХХК-ийн ажилчид цалин хассантай холбоотой асуудлаар өнөөдөр дахин /2024.03.28/ мэдээлэл хийлээ.
Тус компани ажилчдынхаа цалинг хасах шийдвэрийг өнгөрсөн хоёрдугаар сард гаргасан байдаг. Ингэхдээ Хөдөлмөрийн тухай хууль, Үйлдвэрчний эвлэлийн хамтын гэрээний заалтуудыг зөрчжээ. Тодруулбал, цалин бодохдоо илүү цагийн мөнгө олгохгүй, мөн тодорхой бусаар цалин хассан, хангамж буурсан гэж ажилчид үзэж байна.
Цалин нь хасагдсан ажилчдын тухайд эл асуудлаар Үйлдвэрчний эвлэлд хандсан боловч дорвитой шийдэлд хүрэхгүй өнөөдрийг хүрчээ.
