Нийслэлд их хэмжээний цас орж, шуурч байгаагаас цахилгаан дамжуулах агаарын шугамуудад гэмтэл гарч, БЗД-ийн Цайз, Алтан-Өлгий, Газарчин, СБД, ЧД-ийн Зуслан чиглэлийн Ар согоот, Гоодой, Согоот, Сурагчийн гудамжууд, СХД-ийн Ханын материал, Тоосгоны гудамжууд, Их, Бага Наран орчмоор тасралт гараад байна. Гэмтлийг устгахаар шуурхай үйлчилгээний бригадууд ажиллаж байна.
УБЦТС ТӨХК-ийн 70047004 дуудлагын төвд нийт 20 мэргэжилтэн хэрэглэгчдийн дуудлагад хариу өгч ажиллаж байгаа ч утас ачаалалтай байгаа тул тасралтаас бусад мэдээлэл болох цахилгааны төлбөр, дансны дугаар зэрэг мэдээллийг Чатбот, my.tog.mn вэб, цахилгаан хэрэглэгч апп-ээр авахыг УБЦТС ТӨХК-аас зөвлөлөө.
Өглөө 08 цагаас хойш нийт 1119 хэрэглэгчийн хандалт авсны 790 хэрэглэгчийн дуудлагад хариу өгч, нийт дуудлагын 30 орчим хувьд ачааллын улмаас хариу өгч чадаагүй байна.
