2024.03.27-ны өдрийн 9:30 минутын байдлаар Говь-Алтайн баруун, Завхан, Баянхонгорын өмнөд, Архангай баруун болон хойд, Булганы өмнөд, Өвөрхангайн баруун, хойд, Төв аймгийн зүүн, Дундговийн ихэнх, Дорноговийн зарим, Хэнтийн зүүн өмнөд хэсгээр хүчтэй салхи аюултай үзэгдлийн хэмжээнд хүрч байна.
Мөн Орхон аймгийн төвийн нутаг, Дарханы өмнөд, төвийн ихэнх нутаг, Улаанбаатар хотод шороон шуурга, Дундговийн, Дорноговийн төвийн нутгаар шороон шуурганы аюултай үзэгдэл ажиглагдаж байна.
Өнөөдөр Сүхбаатар аймгийн нутгаар хүчтэй цасан шуурга шуурч, Дорноговь аймгийн нутгаар салхи секундэд 28 метр, зарим үед секундэд 34 метрийг давж ширүүсэж шороон шуурга шуурна.
Дохио!!! Цаг агаарын аюултай үзэгдлээс сэрэмжлүүлэх мэдээ:
26-27-нд шилжих шөнө Сэлэнгийн өмнөд, Төв аймгийн хойд хэсгээр цасан шуурга шуурч, Дундговь, Өмнөговийн баруун, Булган, Өвөрхангайн өмнөд хэсгээр салхи секундэд 18-20 метр, зарим үед секундэд 24 метр хүрч ширүүснэ, 27-ны өдөр Хэнтийн зүүн, Дорнодын өмнөд хэсгээр цасан шуурга шуурч, Өмнөговийн зүүн хэсэг, Дундговийн нутгаар салхи секундэд 18-20 метр, зарим үед секундэд 28 метр хүрч ширүүснэ.
27-ны өдөр зүүн аймгуудын ихэнх нутгаар нойтон цас, цас орж, цасан шуурга шуурч, нутгийн өмнөд хэсгээр хүчтэй салхи, шороон шуургатай байхыг онцгойлон анхааруулж байна.
