НҮБ-аас 2012 онд дэлхийн хуурай газрын 31 хувийг эзэлдэг ойн сан хөмрөгөө хамгаалах, байгаль экологийн тэнцвэрт байдлыг хадгалах зорилгоор жил бүрийн гуравдугаар сарын 21-ний өдрийг тэмдэглэж байхаар шийдвэрлэжээ. Манай улс 2015 оноос эхлэн энэ өдөр ойн олон талын ач холбогдлыг иргэд олон нийт, нийгэмд ойлгуулан, сурталчлан таниулахад анхаарч ирсэн. Энэ жил тус өдрийг "Ой ба инновац: Илүү сайхан дэлхийн төлөөх шинэлэг шийдлүүд" уриан дор тэмдэглэн өнгөрүүлж байна.
Улаанбаатар хот 470,444 га нутаг дэвсгэртэй. Үүний дөрөвний нэг буюу 116,257 га талбайг ойн сан газар, 17,543 га буюу 15.56 хувийг ойгоор бүрхэгдээгүй талбай эзэлдэг.
Түүнчлэн Ерөнхийлөгчийн санаачилсан “Тэрбум мод” үндэсний хөдөлгөөний хүрээнд 2021-2023 онд 2,218,658 ширхэг мод, бутыг төвлөрсөн найман байршил, алслагдсан дүүргүүдэд тариад байгаа юм.
