Монгол Улсыг 2021-2025 онд хөгжүүлэх таван жилийн үндсэн чиглэлийн 2023 оны биелэлт, Монгол Улсын Засгийн газрын 2020-2024 оны үйл ажиллагааны хөтөлбөрийн 2023 оны хэрэгжилт, Монгол Улсын хөгжлийн 2023 оны төлөвлөгөөний гүйцэтгэлийн тайланг УИХ-ын чуулганаар хэлэлцэж байна.
УИХ -ЫН ГИШҮҮН Х.ГАНХУЯГ:
-Төрийн зохицуулалттай байгаа салбарууд дээрээ арай өөр бодлого гаргамаар байна. Буцаад 1990 он руу орлоо. Өвөлжингөө тог тасарлаа. Нэг цахилгаан станц барих гэхээр фэйсбүүкийн хэдэн постоос айгаад ажлаа зогсоочихдог. Хөдөө аж ахуйн салбар өнгөрсөн жил 8.5 хувийн уналттай байна.
Махны үнийг чөлөөлөхгүй бол мал аж ахуй тооноосоо чанар руу шилжихгүй шүү дээ. Хуулийн хэрэгжилтүүд маш хангалтгүй байгаад байна. Шинэ хууль, шинэ зөвшөөрөл хуулиараа хориглосон байхад бий болгочихдог. Төр, хувийн хэвшил түншлэлийн хуулийг бөөн юм болж баталсан, гэтэл энэ хуулийн хүрээнд нэг ч төсөл хэрэгжээгүй.
