Киргизийн тусгай албаныхан тус улсын хил орчмын бүс нутгаас хөрш Узбекистаны нутаг дэвсгэрт хүргэдэг газар доогуурх хоёр хонгил илрүүлснээ мэдээлжээ. Эдгээр нь хил орчмын Бек-Абад тосгоны нэг айлын гэрээс илэрсэн байна. Хонгилуудыг ашиглан бараа бүтээгдэхүүн зөөх, хүмүүсийг хил нэвтрүүлэх хууль бус ажиллагаа явуулдаг байжээ. 15 метрийн гүнд байгуулсан нэг хонгилын урт 130 метр, өндөр 1.7 метр байсан байна. Хонгил руу орох нүх улсын хилээс 50 метр зайд, айлын хувийн байшингийн шалан дор байжээ.
Гэрийн эзэн 38 настай иргэнийг баривчилснаа Киргизийн тусгай албад мэдээлсэн байна.
