Монголын сагсан бөмбөгийн дээд лигийн ах дүү тамирчид О.Энхбаатар, О.Хулан нарт "Ариг банк"-наас "Бүх оддын тоглолт"-ын үеэр 8.4 сая төгрөгийн урамшуулал олгожээ.
Уг тоглолтод тэдний амжилттай довтолгоо болгон, мөн самбараас авсан бөмбөг тус бүрийг 300,000 төгрөгөөр үнэлж, тоглолтын туршид олсон нийт орлогыг нийгмийн сайн сайхны төлөөх аянд зориулахаар болсон юм.
Тамирчид авсан шагналаараа яармагт байрлах шинэ төрөх эмнэлэг буюу Эх нярай, эмэгтэйчүүдийн үндэсний төвд хамгийн их шаардлагатай байдаг нярайн эмчилгээний тоног төхөөрөмжийг хандивласан байна. Тамирчид удахгүй Азийн аварга шалгаруулах 3х3 төрлөөр Сингапур улсыг зорих гэж байгаа билээ.
