Цөлжилттэй тэмцэх тухай Нэгдсэн Үндэстний байгууллагын суурь конвенцын оролцогч талуудын 17 дугаар Бага хурлыг 2026 онд Улаанбаатар хотноо зохион байгуулахаар болсон.
Тэгвэл өнөөдрийн засгийн газрын хуралдаанаар НҮБ-ын 17-р бага хурлыг зохион байгуулах бэлтгэлийг хангах чиг үүрэг бүхий Ажлын албыг Гадаад харилцааны яамны дэргэд байгууллаа.
Эргэн сануулахад, НҮБ-ын цөлжилттэй тэмцэх конвенцын Талуудын 15 дугаар бага хурал хоёр жилийн өмнө Бүгд Найрамдах Кот Д’Ивуар Улсын Абиджан хотноо болох үеэр конвенцид нэгдсэн улсуудын Засгийн газрууд Монгол Улсын гаргаж буй манлайлал, идэвх чармайлтыг бататган, тогтвортой хөгжлийн үндсэн тулгуур болох байгаль орчны асуудлуудаар ажиллаж ирсэн нэр хүндийг онцгойлон хүндэтгэж, конвенцын Талуудын 17 дугаар бага хурал (COP17)-ыг 2026 онд Монгол Улс зохион байгуулахыг дэмжин баталсан билээ.
