Засгийн газрын өнөөдрийн хуралдаан өндөрлөлөө. Хуралдаанаас гарсан шийдвэрийг ЗГХЭГ-ын дарга Д.Амарбаясгалан танилцуулж мэдээлэл өглөө.
Тэрбээр “Малчдын гар дээр 50 гаруй мянган тонн мах байгаа боловч худалдах борлуулах явц муу, үнэ хямд байна гэхчлэн асуудал байна.
Хөдөө орон нутгаас үхрийн мах 7 000, хонины 5 000, ямааны мах 3 500 төгрөгөөр худалдан авч байгаа ч Улаанбаатарт зарагдахдаа 20 мянга болж байна. Улаанбаатарт нөөцөд 6000 тонн мах байна. Тиймээс орон нутгаас хямд мах биржээр дамжуулж нийлүүлэх зохицуулалтыг хийнэ” гэлээ.
