2024 оны УИХ-ын сонгуульд оролцох нам, эвслүүд 3 дугаар сарын 25-аас өмнө сонгуулийн мөрийн хөтөлбөртөө дүгнэлт гаргуулахаар төрийн аудитын дээд байгууллагад хүргүүлэх үүрэгтэй. Тэгэхээр ердөө долоо хоногийн дараа гэхэд намуудын мөрийн хөтөлбөр тодорхой болох нь.
Тэгвэл улс төрийн ууган хүчин МАН мөрийн хөтөлбөрөө боловсруулаад дуусч буй талаар өнөөдөр ЗГХЭГ-ын дарга Д.Амарбаясгалан мэдээллээ. МАН-ын хувьд 2021 онд намынхаа ирх хурлаар баталсан таван бүлэг 25 заалттай “МАН ирэх 100 жил” програмынхаа хүрээнд мөрийн хөтөлбөрөө боловсруулж байгаа аж. Мөн МАН бодлогын улс төрийн нам бодлого зорилгодоо чиглэсэн хөтөлбөр гаргаж тавина. Түүнээс цаг үеийн нөхцөлд тааруулаад популист агуулгатай мөрийн хөтөлбөр гаргахгүй гэдгээ онцоллоо.
