Мал хулгайлах гэмт хэргээс урьдчилан сэргийлэх чиглэлээр хийгдэж буй зарим ажил, арга хэмжээний талаар Цагдаагийн байгууллагаас мэдээлэл хийлээ.
Өнгөрөгч 2023 оны жилийн эцсийн байдлаар цагдаагийн албанд 643 мал хулгайлах гэмт хэрэг бүртгэгдсэн. Тэгвэл энэ 2024 оны нэг хоёрдугаар сарын байдлаар 119 энэ төрлийн гэмт хэрэг бүртгэгдээд байгаа ба, цас зуд ихтэй Сүхбаатар аймгийн Матад сум, Дорнод аймгийн Халх гол сум, Сүхбаатар аймгийн Эрдэнэцагаан сумдын нутаг дэвсгэрт эзэн тодорхойгүй бог мал их хэмжээгээр бөөгнөрөөд байна.
Нийтдээ 50 мянга орчим эзэн нь тодорхойгүй мал бөөгнөрсөн байснаас 12 мянган малын эзнийг олж тогтоон хүлээлгэж өгчээ.
Түүнчлэн Дорнод аймагт хээрийн штаб байгуулагдсан бөгөөд малаа хайж буй иргэд тус газартай 80663102, 7058102 тусгай дугаарт холбогдож тодруулах боломжтой ажээ.
