Австрали улсын нарийн ноост мерино үүлдрийн хонины хөврөл үрийг үзэмчин үүлдрийн хонинд суулгасан туршилт судалгааны ажил амжилттай хийгдэж байна
ХХААХҮЯамны харьяа Малын удмын сангийн үндэсний төв нь АДРА Олон улсын байгууллага, Мал аж ахуйн эрдэм шинжилгээний хүрээлэнгийн судлаачидтай хамтран Австрали улсын “Gene Movers” ХХК-иас импортлон авсан нарийн ноост Мерино үүлдрийн хонины хөврөлийг 50 толгой Үзэмчин хонинд шилжүүлэн суулгах ажил амжилттай болж одоогоор 30 толгой нарийн ноост цэвэр Мерино үүлдрийн хурга мэндэлсэн байна.
