Сургуулийнхаа спорт заалыг түрээсэлдэг дүр зураг нийслэлийн бараг бүх сургуульд нийтлэг болоод буй. Тухайн сургуульд суралцдаг хүүхдүүд ч хичээлийн бус цагаар зааландаа тоглохын тулд төлбөр төлдөг. Гэвч энэ нь хууль бус үйлдэлд тооцогддог байна. Тодруулбал,
“Төмөр зам”-ын гэгдэх ерөнхий боловсролын лаборатори 20 дугаар сургуулийн захирлын үүрэг гүйцэтгэгчээр ажиллаж байсан Ц.Баярбаатар нь сургуулийнхаа шинэ спорт заалыг хоёр жилийн хугацаанд хувь хүн, албан байгууллагуудад түрээсэлж, ашиг олж байжээ. Ингэхдээ ямар нэгэн гэрээ байгуулалгүй, бэлнээр төлбөрийг нь хураан аваад, хариуцсан менежерийнхээ дансаар нийт цугларсан 11.4 сая төгрөгийг санхүүгийн баримтгүй зарцуулсан байна. Уг хэрэгт нь түүнийг яллагдагчаар татагдаад байна.
