УЛААНБААТАРЫН ТҮГЖРЭЛИЙГ БУУРУУЛАХААР ЗАРИМ ЗАМЫН ХӨДӨЛГӨӨНИЙГ ТҮР ХУГАЦААГААР ӨӨРЧИЛЛӨӨ

Улаанбаатар хотын түгжрэлийг бууруулах зорилгоор замын хөдөлгөөнд түр өөрчлөлт оруулжээ. 

Тодруулбал

• Чингисийн өргөн чөлөө 120 мянгатын уулзвараас хойд чиглэлд Төв шуудангийн уулзвар хүртэлх эсрэг хөдөлгөөнтэй дөрвөн эгнээ замыг,
• Хан-Уул дүүргийн Е-Mart худалдааны төвийн уулзвараас мөн хойд чиглэлд “Шангри Ла”-гийн уулзвар хүртэлх замын зорчих хэсгийн хөдөлгөөнийг

өглөөний 07:00-10:00 цаг хүртэл, хойд чиглэлд зорчих эгнээг гурав, урд чиглэлд зорчих эгнээг нэг, оройн 17:00-20:00 цагийн хооронд эсрэг чиглэлд буюу хойноос урагш зорчих чиглэлд гурав, урдаасаа хойшоо явах чиглэлд нэг эгнээ болгож, зорчих хөдөлгөөнийг түр өөрчлөн зохион байгуулах ажлыг эхлүүлж байна.