БНСУ-ын Хэрэглэгчийн эрхийг хамгаалах газраас тухайн улсын иргэний өргөдөлийг Монгол Улсын ШӨХТГ-т уламжлан ирүүлсэн байна. Энэ дагуу ШӨХТГ-аас Солонгос иргэний хохирлыг барагдуулахыг МИАТ ТӨХК-аас шаардан, шийдвэрлүүлжээ.
Тодруулбал, БНСУ-ын иргэн Монгол Улсад аялах зорилгоор “МИАТ” ТӨХК-ийн ICN (Инчон) – ULN (Улаанбаатар) чиглэлд хоёр талын нислэг захиалж, төлбөрт 680.337 воныг төлсөн ч дэлхий нийтийг хамарсан “Ковид-19” цар тахлын дэгдэлтийн улмаас нислэгийн захиалга цуцлагдсан байна. Мөн тодорхой бус шалтгааны улмаас МИАТ ТӨХК нислэгийн тийзийн төлбөрийг буцаан олгоодоогүй аж.
Иймд ШӨХТГ-өөс БНСУ-ын иргэний өргөдөлд дурдсан дээрх асуудлыг “Ковид-19” цар тахлын дэгдэлт буюу давагдашгүй хүчин зүйлийн улмаас үүссэн хүндэтгэн үзэхүйц байдлыг харгалзан холбогдох хууль тогтоомжийн хүрээнд шийдвэрлэх шаардлагыг МИАТ ТӨХК-д хүргүүлсэн байна. Энэ дагуу “МИАТ” ТӨХК-иас буцаалтыг хийжээ.
