Монгол Улсаас Их Британи Умард Ирландын нэгдсэн хаант улсад суугаа Элчин сайдын яамныхан 2023 оны арванхоёрдугаар сарын 30-нд Лондон хотод шинэ жилийн арга хэмжээ тэмдэглэн өнгөрүүлэх үеэрээ маргалдаж, нэгнийхээ биед гэмтэл учруулсан талаар мэдээлэл гарч байв.
Энэ асуудлыг Гадаад харилцааны сайд Б.Батцэцэгээс өнөөдөр /2024.03.06/ тодруулахад “Хэрэг шалгагдаж байгаа мэдээлэл бол байхгүй. Шалгагдаагүй. Хувь хүнтэй холбоотой асуудал үүссэн. Б.Энхсүх сайдаас өөрөөс нь асуусан нь дээр байх. Бидэнд ирсэн тайлбар мэдээлэл бол хэвлэлд гарсан мэдээллээс өөр байгаа. Элчин сайдын яаманд гэр бүлийн хүчирхийлэл гарсан гэдэг мэдээлэл Английн талаас ирсэн. Тэр асуудалд холбогдсон эмэгтэй дипломатыг эрх ямбыг нь цуцлах шаардлагыг Английн талаас тавьсан. Эрх ямбыг нь цуцлаагүй, эх оронд нь бүрмөсөн буцаан дуудсан. Тэр дагуу Монголд ирсэн байгаа” хэмээв.
Монгол Улсаас Их Британи Умард Ирландын нэгдсэн хаант улсад суух Элчин сайдаар 2021 оны 12 дугаар сард Тагнуулын ерөнхий газрын дэд даргаар ажиллаж байсан Б.Энхсүхийг томилж байсан юм.
