Улаанбаатар хотын суурьшлын бүсэд буга болон цагаан зээр, бор гөрөөс орж ирсэн тухай мэдээлэл, бичлэгүүд цахим орчинд цөөнгүй гарах болсон.
Тодруулбал, нийслэлийн долоон хэсэгт өвс тэжээлгүйн улмаас буга болон цагаан зээр, бор гөрөөс орж иржээ. Одоогийн байдлаар Хан-Уул дүүргийн 12-р хороо орчимд 200 орчим буга, үндэсний цэцэрлэгт хүрээлэнгийн урд хэсэг болон туул голын ай сав орчмоор 100 орчим бор гөрөөс, цагаан зээр байгаа аж. Хүйтэрч, өвс тэжээл хайж суурин газарт ирсэн эдгээр амьтдыг хөөж явуулж болохгүй учир дулаан орохоор өөрсдөө буцаад явах учир Нийслэлийн байгаль орчны газраас өвс тэжээлээр хангаж ажиллаж байгаа юм байна.
