Энэ оны хоёрдугаар сарын 24-26-ны өдрүүдэд нийслэлийн нутаг дэвсгэрт малын өвс тэжээл худалдан авах зорилгоор бусдад их хэмжээний мөнгө залилуулсан гэх иргэдийн дуудлага мэдээлэл бүртгэгдсэн байна.Уг асуудлын мөрөөр шалгалтын ажиллагааг явуулахад "А" гэгч цахим орчимд хуурамч хаяг нээн, "Монгол улсад зудын бодит эрсдэл бий болж хаваржилт хүндэрч байгаа энэ үед малчдад туслах үүднээс 300 сая төгрөгийн уураг тэжээл хандивлаж, 3000 малчны зээлийн хүү, төлөлтийг 8 сараар хойшлуулав" гэх хуурамч зар мэдээллийг байршуулан иргэдээс 200 гаруй сая төгрөгийг залилсан байж болзошгүй үйлдлийг тогтоосон байна. Энэ хэрэгт одоогоор мөрдөн шалгах ажиллагаа үргэлжлүүлж байна.
Иргэдийн сайхан сэтгэл дээр дөрөөлөх энэ төрлийн цахим луйвар ихсэж байгаа тул иргэн та мэдээллээ бүрэн нягталж сэрэмжтэй байхыг анхааруулж байна
