2024.03.03-ны өдөр зохион байгуулагдсан Токио марафонд манай тамирчид амжилттай оролцсон билээ.
Тус тэмцээнд оролцсон Спортын дэд мастер, пара гүйгч Б.Батзориг "Ахиллис Монгол байгууллагатай амьдралаа холбоод хэдийн 10 жил болжээ. Клубтээ элсээд гүйж эхэлснээс хойш Зургаан од медалийн тухай мэдэж, хэзээ нэгэн өдөр авбал ямар сайхан бэ? гэсэн мөрөөдөл тээж явсан юм. Гэтэл үнэхээр мөрөөдөл биелдэг юм байна, тэр өдөр нь өнөөдөр аж. Энэхүү мөрөөдлийг минь биелэхэд бүхий л зүйлээр тусалж дэмжиж, намайг зоригжуулж, амьдралд маань маш их урам зориг, итгэл найдвар өгсөн Роби ах, Гэрлээ эгч, Амраа эгч, Төөмкө, Сараа, Батсайхан, Номио, Мөөжий болон Ахиллис Монгол ОУБ-ын хамт олон, клубийн нийт гишүүд та бүхэндээ талархал илэрхийлье" хэмээн баярын сэтгэгдлээ илэрхийлжээ.Ийнхүү 2024.03.03-ны өдөр зохион байгуулагдсан Токио марафонд 03:10:06 цаг гүйж зургаан од медалиа гардан авч түүний 2022 оноос эхэлсэн Абботын зургаан од медалийн төлөөх гүйлтүүд нь Токио марафоноор өндөрлөлөө.
Мөн түүнчлэн Г.Оюунгэрэл Токио марафонд 3:21:32 цаг гүйж зургаан од медалиа гардан авсан байна.
