Музейн нээлттэй өдрүүд Монгол орон даяар үргэлжилж байна. 3 сарын 1-ээс 3-ны хооронд 26 мянга гаруй иргэд музейд зочилж, үндэсний түүх, соёл, өв, уламжлал, ёс заншлын сэдэвтэй тусгай үзэсгэлэнг үзэж, боловсролын хөтөлбөрт хамрагджээ. Тодруулбал 10133 том хүн, 10575 хүүхэд, 107 тусгай хэрэгцээт иргэн, 1963 оюутан залуус, 1196 ахмад настан музейгээр үйлчлүүлжээ.
“Музейн нээлттэй өдрүүд”-ээр төрийн болон орон нутгийн өмчийн 35 музей, орон нутаг судлах 270 музейн 800 орчим ажилтан албан хаагчид 3 дугаар сарын 1-ээс 7-ны өдрүүдэд тусгай үзэсгэлэн, музейн боловсролын хөтөлбөр, хүүхэд багачуудын насны онцлогт тохирсон боловсролын хөтөлбөр, гэр бүлд зориулсан хөтөлбөрийг зохион байгуулж байна.
