Японы нийслэл Токио хотод өнөөдөр "Токио-2024” марафон амжилттай болж өнгөрлөө. Уг тэмцээнд Монголын тамирчин, Ази тивийн аварга Галбадрахын Хишигсайхан 2:26:32 цагийн амжилт үзүүлэн, Монгол Улсын дээд амжилтыг шинэчлэн тогтоож, "Парис-2024" зуны олимпын наадамд оролцох болзол биелүүллээ.
Энэ удаагийн тэмцээнд 37,000 гаруй оролцогчид хамрагдсан бол өндөр зэрэглэлийн, дэлхийн шилдэг 150 тамирчин “Парис 2024” Олимпын эрэгтэй 10, эмэгтэй 10 эрхийн төлөө ур чадвараа сорив.
Марафон гүйлтийн эмэгтэйчүүдийн ангилалд уралдсан Г.Хишигсайхан нь шагналт наймдугаар байрт шалгарсан байна. Түүний энэ амжилт Монгол улсын хувьд анхны дээд амжилт юм
Эх сурвалж: Биеийн тамир, спортын улсын хороо
