Төрийн үйлчилгээ хамгийн хүнд сурталтай, удаан байдаг ч төрийн шийдвэрээр хэрэгжүүлж буй машин ачилтын үйлчилгээг Монгол Улс дахь хамгийн "түргэн, шуурхай" үйлчилгээгээр тодруулахад маргах хүн гарахгүй биз ээ. Тэд яг л хулгай хийж буй мэт сэмээрхэн, бас хурдтай ажлаа хийдэг.
Энэ үйлчилгээ анх хэрэгжиж эхлэхдээ ачихаасаа өмнө цагаан хоолойгоор зарлан дууддаг байсан ч одоо больсон. Харин ачаад хөдөлсөн хойноо машин ачсан талаарх мэдээллийг автомашин эзэмшигчийн бүртгэлтэй утасны дугаарт илгээдэг. Мөн машин ачихдаа яг түгжрэлд саад болж байгаа хэсгүүдийг "зорьдоггүй". Өөрсдийнх нь замд тааралдсан машиныг аваад явдаг тал дээр олон иргэд санал нэгдэж байна. Тэгвэл сургууль, эмнэлгийн гаднаас ачилт хийдгийг болиулах хэрэгтэй гэдэг иргэдийн байр суурийг хүргэж байна.
Уншигч та машин ачилтын асуудал дээр ямар байр суурьтай байдаг вэ?
