Нийслэлийн нийтийн тээвэрт жолооч хүрэлцээгүй байдал тулгамдсан асуудал болсоор ирсэн.
Үүнд цалин хангамж, цагийн хуваарь, замын түгжрэл, гээд олон зүйл нөлөөлдөг байна.
Иймд Нийслэлийн өмчит автобусны компанид ажиллаад тэтгэвэрт гарах тохиолдолд жолоочид 24 сарын цалинтай тэнцэх тэтгэмж олгох, ажил хайж бүртгүүлсэн В, С ангиллын жолооны эрхтэй хүмүүсийг Зорчигч тээврийн нэгтгэл ОНӨААТҮГ-ын Сургалтын төвд бүртгэж, автобусны мэргэшсэн жолоочийн сургалтад үнэгүй хамруулах, улмаар жолооч нарын цалинг 3.5 сая төгрөг болгож, хоёр ээлжээр ажиллах нөхцөлийг бүрдүүлэх зэрэг зохицуулалтыг хийхээр болсон билээ. Нийт 1825 иргэн бүртгүүлснээс “D” ангилалтай 161 иргэн мэргэшсэн жолоочийн сургалтанд тэнцэж сургалт эхэлжээ.Тус сургалт нь үнэ төлбөргүй явагддаг юм.
