Энэ оны 02 дугаар сарын 20-ны өдөр “Тавантолгой төмөр зам ХХК”-ийн нэр бүхий удирдлагууд ажлын байран дээрээ архидан согтуулч, завхайрсан бичлэг олон нийтийн сүлжээнд цацагдсан. Тэгвэл цагдаагийн байгууллагаас цахим орчинд тархсан уг бичлэгтэй холбогдуулж Сүхбаатар дүүргийн цагдаагийн газрын нэгдүгээр хэлтсээс зөрчил шалган шийдвэрлэх ажиллагааг явуулжээ. Улмаар эдгээр алба хаагчдад “Согтууруулах ундаа хэрэглэхийг хориглосон газарт архидан согтуурсан” үйлдэлд Зөрчлийн тухай хуулийн 5.1 дүгээр зүйлийн 2 дах хэсэгт зааснаар холбогдогч нарт 25 нэгжээр буюу 25000 төгрөгөөр торгох шийтгэл оногдуулсан байна. Харин “Тавантолгой төмөр зам” ХХК-ийн зүгээс эдгээр ажилтнуудыг ажлаас халсан билээ.
