Хаваржилт хүндэрч, цөөнгүй айл зуданд малаа алдаад байгаа. Олон тооны малаа алдсан малчдын сэтгэл санаа тогтворгүй, сэтгэл түгшилттэй, зарим нь сэтгэл гутралд орж шөнө унтаж чадахгүй байгаа аж. Эдгээр малчдад сэтгэл зүйн зөвлөгөө өгөх сэтгэл судлаачдын баг гурадвдугаар сарын дундуур Дундговь, Хөвсгөл аймгуудаас эхлэн орон нутгуудаар явж малчидтай уулзан, тэдэнд сэтгэл заслын үйлчилгээ үзүүлэхээр явах гэж байна.
Уг багийг Монголын Урлагийн Сэтгэл Заслын Холбооны тэргүүн, нийгмийн ажилтан, арт терапис В.Бэрцэцэг бүрдүүлж эхэлсэн аж. Тэд зудад малаа алдсан малчдад зориулсан сэтгэлзүйн зөвлөгөө, сэтгэл заслын бүлгийн үйлчилгээ 1-4 удаа үнэ төлбөргүй үзүүлэх юм байна. Дараагийн маршрутаа Сүхбаатар, Хэнтий аймгууд хэмээн тодорхойлоод байгаа бөгөөд Өмнөговь аймгаас ч сэтгэлзүйч В.Цэрцэцэгтэй холбогдож тусламж хүсчээ.
Илүү олон хүмүүст хүрч ажиллахын тулд өргөн хэмжээний бүрэлдэхүүнтэй багаа эхлээд бүрдүүлэхийг зорьж байгаа аж.
