Сагсан бөмбөгийн тамирчин легионор Кристофер Блейк Монгол улсын иргэншилтэй болох хүсэлтээ ерөнхийлөгчид гаргажээ. Манай улсад гурван жилийн хугацааг өнгөрөөж байгаа тэрээр Монголын сагсан бөмбөгийн дээд лигт нийт дөрвөн багаас тоглож байсан ба одоогоор "Бишрэлт металл” багт харьяалагддаг юм.
Хэрвээ ерөнхийлөгч түүний хүсэлтийг хүлээж авбал Монголын нэрийн өмнөөс олон улсын тэмцээн уралдаануудад оролцох, Монголын хүүхэд залуучуудад илүү хүрч ажиллах, сагсан бөмбөгийн сургалт явуулах хүсэлтэй байгаагаа илэрхийлжээ.
