Нийслэлийн ИТХ-ын ээлжит бус XVII хуралдааны дундуур нэгэн иргэн орж ирж өөрийн санал бодлоо хуваалцлаа.
Тэрбээр, “Урт цагааны чөлөөлсөн талбайд доороо зогсоол, дээрээ хүүхэд хөгшид агаарлах талбай бүхий цэцэрлэгт хүрээлэн байгуулна гэж байгаа. Гэтэл одоо явж байгаа машинууд ихэвчлэн олон жилийн насжилттай, утаа ихээр гаргадаг машинууд байдаг. Ийм машины тоосжилт, утаатай зүйлийн дээр ийм салхилж агаарлах талбай байгуулах нь хэр зохистой вэ?” гэх зэргээр байр сууриа илэрхийлэв.
Гэтэл Хотын захирагч Х.Нямбаатар “Энэ хэсэгт иргэдээс авсан саналын дагуу бүтээн байгуулалтыг хийхээр болсон. Судалгаа үндэслэлтэй ажил явагдаж байна. Та хурал үймүүлж дайрч орж ирлээ. Наад байр сууриа бичгээр илэрхийл” хэмээн зандарч түүнийг гаргав.
