ТАШКЕНТАД БОЛОХ ИХ ДУУЛГАД МАНАЙ УЛСЫН 15 ЖУДОЧ ОРОЛЦОНО

Олон улсын жүдо бөхийн холбооны “Их дуулга” цуврал тэмцээн Узбекистаны нийслэл Ташкент хотноо ирэх сарын 1-нд эхэлнэ.

Өнөөдрийн байдлаар тус тэмцээнд 70 орны 465 жүдоч барилдахаар мэдүүлэг өгөөд байгаа бөгөөд манай улсаас эрэгтэй зургаа, эмэгтэй есөн тамирчин оролцохоор болжээ.Тодруулбал, 

• эрэгтэйчүүдийн 60 кг-д олон улсын хэмжээний мастер Э.Ариунболд, Э.Сумъяабазар,
• 73 кг-д гавьяат тамирчин Ц.Цогтбаатар, олон улсын хэмжээний мастер Б.Эрдэнэбаяр, 
• 81 кг- Г.Болор-Очир,
•  90 кг-д Г.Алтанбагана, 
• эмэгтэйчүүдийн 48 кг-д Г.Наранцэцэг, Б.Баасанхүү, 
• 52 кг-д Л.Сосорбарам, 
• 63 кг-д Б.Ганхайч, 
• 70 кг-д Б.Ням-Эрдэнэ, С.Лхагвадулам, 
• -78 кг-д Б.Эрдэнэт-Од, О.Хүслэн, 
• +78 кг-д А.Адъяасүрэн нар зодоглоно.

Энэ удаа эрэгтэйчүүдийн 66, -100, +100, эмэгтэйчүүдийн 57 кг-ын жинд манай улсын тамирчид барилдахгүй, өнжихөөр болсон байна. Жүдочид Төв аймгийн Батсүмбэр суманд байрлах “Чэмпионс Чэмп” цогцолборт бэлтгэлээ базааж байгаа юм.