БНХАУ-ын Эрээн хотоос Улаанбаатар хотын чиглэлд ачаа тээвэрлэж явсан иргэн Д-ын ачааны автомашинд гал гарч, ачиж явсан барааны дөрөвний нэг нь шатжээ. Тодруулбал, Дорноговь аймаг, Замын-Үүд сум, Соёмбо багийн “Хилийн 3 дугаар хаалт” гэдэг газар ачааны автомашин шатаж байна гэсэн дуудлагыг онцгой байдлын алба 02.22-ны өдрийн 19:46 цагт хүлээн авсан байна.
Дуудлагын дагуу тус аймгийн Онцгой байдлын газрын Замын-Үүд сум дахь Онцгой байдлын хэлтсийн Гал түймэр унтраах, аврах 17 дугаар ангийн алба хаагчид, 3 км замыг туулан 19:50 цагт очиход иргэн Д-ын “Volvo FH12” загварын зүтгүүр болон тээвэрлэж явсан 26 тн ачаанаас 8 тн орчим бараа материал шатаж байсныг 1 цаг 13 минут ажиллаж унтраажээ.
