Өнөөдрийн байдлаар 192 суманд нөхцөл байдал хүнд, 200 суманд зам гарц хаагдсан, улсын хэмжээнд 1.527.695 толгой мал хорогдож нөхцөл байдал хүндрээд буй. Мөн одоогоор 3137 малчин өрхтэй холбоо тогтоож чадаагүй. 23.600 өрхөд хүнс, өвөл тэжээл, эрүүл мэндийн тусламж үйлчилгээ үзүүлэхэд хүндрэлтэй нөхцөл байдалтай байгаа аж.
Улс орон даяараа малчдад туслах хандивыг аяныг зохион байгуулж буй. Ингэхдээ хувь хүн, иргэд, ААН, албан байгууллагууд өөр өөрсдийн шугамаар зохион байгуулж буй. Энэ нь хандивын аянаар дамжуулж, элдэв асуудал гарах вий гэсэн болгоомжлолыг ч бий болгож байгаа талаар Шатар сайд өнөөдөр мэдээлэл хийх үеэрээ онцоллоо. Тэрбээр, малчдад ирж буй хандивыг шилэн байлгаж, хатуу хяналт тавина. Тэгэхгүй бол дундаас нь шамшигдуулдаг, гуйвуулдаг, нугалаанууд гарч болзошгүй хэмээлээ.
