Өнөөдөр /2024.02.22/ цахим орчинд автомашинаасаа ууттай хог гаргаж хаяж буй нэгэн иргэний бичлэг цацагдаж, олон нийтийн шүүмжлэлийг дагуулсан. Тэгвэл тухайн иргэний энэ үйлдлийг хуулийн байгууллагаас шалгаж эхэлсэн байна. Хог хаягдлаа зориулалтын бус газар хаях, усны сан бүхий газар автомашинаа угаасан зөрчил үйлдвэл Зөрчлийн тухай хуулиар торгууль ногдуулдаг талаар Тээврийн цагдаагийн алба болон Экологийн цагдаагийн албанаас анхааруулж байна.
