ШУТИС бүрэлдэхүүн 10 сургуультай. Эдгээрт 1700 гаруй малчин өрхийн хүүхдүүд суралцдаг байна. Орон нутагт зудын нөхцөл байдал хүндэрсэнтэй холбоотойгоор орон нутгийн оюутнуудаас гэртээ харьж аав ээж, гэр бүлдээ туслах хүсэлтэй байгаа эсэх санал асуулга авахад 850 гаруй оюутан дэмжжээ.
Иймд дэмжсэн саналтай оюутнуудыг 2 дугаар сарын 19-өөс 3 дугаар сарын 22 хүртэл хичээлээс чөлөөлж гэрт нь хариулахаар болсон байна.
Энэ хугацаанд хичээлийн материалыг сургуулийнхаа сургалтын системд байршуулж, явцын сорил болон бие даалтыг тодорхой хугацаагаар хойшлуулах зохицуулалтыг хийх аж.
